ମୁମ୍ଵାଇ ୨୬।୦୧; ଭାଇରାଲ ଗର୍ଲ ମୋନାଲିସା ଭୋସଲେ। ତାଙ୍କର ସେହି ସୁନ୍ଦର ଚିଲ ଆଖି, ଶ୍ୟାମଳ ରଙ୍ଗ ପାଁ ବେଶ ଚର୍ଚ୍ଚାରେ । ପ୍ରୟାଗରାଜ କୁମ୍ଭମେଳାରେ ପାଲିଟିଥିଲେ ସେନ୍ସେସନ୍ । ଏବେ ବଲିଉଡ ପାଦ ଥାପିବାକୁ ଯାଉଛନ୍ତି । ଭାଇରାଲ ଗର୍ଲ ମୋନାଲିସା ଭୋସଲେଙ୍କୁ ବଲିଉଡରେ ଫିଲ୍ମ କରିବାକୁ ଅଫର ମିଳିଛି ।
ମହାକୁମ୍ଭ ମେଳାର ଫୁଟପାଥରେ ରୁଦ୍ରାକ୍ଷ ସହ ଫୁଲ ମାଳା ବିକ୍ରି କରୁଥିବା ମୋନାଲିସାଙ୍କୁ ଫିଲ୍ମ ଅଫର ମିଳିଛି । ଫିଲ୍ମ ନିର୍ମାତା ସନୋଜ ମିଶ୍ରା ତାଙ୍କର ଆଗାମୀ ଫିଲ୍ମ 'ଦ ଡାଏରୀ ଅଫ୍ ମଣିପୁର'ରେ ମୁଖ୍ୟ ଅଭିନେତ୍ରୀ ଭାବେ କାମ କରିବାକୁ ଅଫର ଦେଇଛନ୍ତି । ମୋନାଲିସା ଫିଲ୍ମରେ କାମ କରିବାକୁ ହଁ ଭରିଥିବା ନେଇ ଜଣାପଡିଛି । ଫିଲ୍ମରେ ମୋନାଲିସା ଜଣେ ଅବସରପ୍ରାପ୍ତ ସେନା ଅଧିକାରୀଙ୍କ ଝିଅ ଭୂମିକାରେ ନଜର ଆସିବେ । ଏପ୍ରିଲରୁ ଫିଲ୍ମର ସୁଟିଂ ହେବ । ଆସନ୍ତା ଅକ୍ଟୋବର କିମ୍ବା ନଭେମ୍ବର ମାସରେ ଫିଲ୍ମ ରିଲିଜ ହେବ ।
ସୁଟିଂ ପୂର୍ବରୁ ମୋନାଲିସାଙ୍କୁ ମୁମ୍ବାଇରେ ଅଭିନୟ ତାଲିମ ଦିଆଯିବ। ମହାକୁମ୍ଭରେ ମୋନାଲିସା ଆକର୍ଷଣର କେନ୍ଦ୍ର ପାଲଟିଥିଲା । ତାଙ୍କ ସହ ଫଟୋ ଉଠାଇବାକୁ ଲୋକେ ଭିଡ ଜମାଉଥିଲେ । ଭାଇରାଲ ଗାର୍ଲ ମୋନାଲିସା ଭୋସଲେଙ୍କ ଶ୍ୟାମଳ ରଙ୍ଗ ଓ ଧୂସର ଆଖି ସମସ୍ତଙ୍କୁ ଆକର୍ଷିତ କରିଥିଲା । ତାଙ୍କୁ ଦେଖିବାକୁ ସେଲ୍ଫି ନେବାକୁ ଲୋକେ ଭିଡ଼ ଜମାଇଥିଲେ ।
